كيف ترى "شمـس"بعض "الاعضاء في المنتدى" ؟

[شمس]

السلام عليكم ورحمة الله وبركاته .


بما اني درست من علم النفس . ولي رغبة ونظرة بتحليل الشخصيات ديما ( خصوصا لما بكتب روايتي = بحب اتوقع شخص بهالسلوك او الاخلاق شو ممكن تكون ردود فعله بكذا او كذا ؟ ) حبيت اعرض عليكم لمحة بسيطة كيف بتخيل هالشخص اسلوبه - اخلاقه - شخصيته ( طبعا هادا رأيي البسيط ) بتمنى اذا كان في غلط بتحليلي تعذروني ..لنبدا من سادة المنتدى :

Skeptic =

هالرجل بشوفه بحب النظام - رجل هادي - وبيتعامل مع الامور بشكل سلس .. بحب الانفتاح ويكون هو وعيلته وولاده بالمقدمة في اتباع الحضارة . يعني مثلا اكيد بينصح ولاده بالمدرسة ليكونوا بيحترموا النظام ومنضبطين ( رغم الحريّة اللي بحب ينشرها لعيلته لكن بيبقى في شي اسمه نظام بحياته = ما بحب الفوضوية ! ) وبحب يتعامل مع الامور بشكل علمي (( دقيق )) . فيه عنده صبر . وبحب التروّي ويلجأ للحكم قبل اصدار القرار. سمعت انه دكتور بالجامعة - بس ممكن قول عنه انه مدير بشركة !


كاره النساء =

اممم ( ما رح احكي كل شي بالتفصيل بتوقعه حتى ما يصير احراج ! ) هالرجل لما بسوق سيارته ! = بتوقع لا التزام بقواعد المرور .. ولا حتى السرعة ! ليش؟ لاني بشوفه بعّصب بسرعة ويُستفزّ بسرعة - وشخصيته ( يا ارض اشتدّي ما حدا قدي ) . عنده ثقة كبيرة بنفسه - طريقته بالاجوبة والتحدّي رهيبة ! متل حصان اسود جموح منطلق بحريّة بهالفضاء الواسع وما حدا ممكن يوقفه ! اللي بكون معه كويس بعامله بالمثل ..قوي الشخصية وحسّاس. اذا اعترف بجرح داخله .. فيعني شيء مش طبيعي صار معه !

اوسركاف =

مرح - متفائل - بتخيل ديما في ابتسامة ع وجهه . وبحب يتعامل مع الامور بروية واتزان ..فضولي كتير ! رغم مشاكل حياته بحب يتخطاها ع خير . وما بتخيل بعصّب الا بعد كتير من المراحل . هادي - وكأي شب بأول حياته - قلق ع مستقبله . متواضع . صح بحب فن النحت..بس ما بعتقد له صلة بالفنون (الاخرى!! ). وبحب العقلانية والجديّة اللي بستغرب اني لاقيها عند الفنانين بشكل عام !


Gear=

ما عندي كتير فكرة او خبرة معه ..بس بمجرّد شوف اسمه بموضوعي او بشي موضوع . بعرف انه ما بيطلع من الموضوع والا لازم يسأل ع كلمة ليش وكيف انكتبت ! يبدو انه اصدقائه بحبو صحبته ..وهو بيسأل وبيستفسر كل صغيرة وكبيرة ..!


فاطمي =

رجل محترم وخلوقي . وكلامه بدلّ ع انه ذكي ( متعللم ) وطيب . ومتواضع كتير - صبور - خلوق - مخلص- بسيط- محبوب واجتماعي . بتمنى له التوفيق بحياته.

وائل =

بيعطي طرافة بالردود احيانا .. يعني مثلا بكون موضوع طويل عريض او رد ع كذا ونقاش بشغلة معيّنة ( حامية الوطيس ) ..واذا هو بيعترض بكل برود برد بكلمتين او ٣ مثلا : " ليش عم كتبت الموضوع بلون اصفر ( مثلا ) ! او ليش حاطط كذا بالتوقيع وانت كذا ؟ ليش في عندك اغلاط لغوية..! " ..امم في عنده لين واحترام وطيبة.

hbmen=

يا الله هالشب شو بشوفه كتير هادي ورقيق وبريء ومحتار( صح بجادل وكتير اسئلة = بس بنعومة ) . بحس انه اصغر شب بالمنتدى.. اجتماعي. ومحترم . مهذب .


الاخ المسيحي = بعتئد اسمه ( بشارة = بحروف انكليزية! ) .

بحسه هالشب الصغير وكأنه بجاوبنا وهو جالس بالكنيسة .. بس كتتيرر مُسالم ومُحبّ وطيوب . وهاادي .. وديّنيّ خلال اجوبته اللي اغلبها مرتبطة بشواهد من الكتاب المقدّس. الحوار معه لين وسلس كتير وطلق بالحديث. مبيّن عليه مهذب -واقعي - جديّ.



----------------------------------

هالاعضاء اكتر شي كانت لي خبرة معهم . والبعض مش كتير.

----------------------------------



يلا هلا دوري .. احكولي شو بتلائو بصفاتي وشخصيتي ؟ هل انا : ( مزاجية - عصبية - هادية - حساسة - صعبة - صبورة - بنفعل بسرعة - بريئة - ذكية - ضعيفة - سخيفة ! = معلش احكولي الصراحة ما بزعل .. واللي بحب ممكن يرد علي ع الخاص اذا بفضل يكون الكلام شخصي )



-----------------------





ملاحظة : ما تنسوا انه معرفتي فيكم لا زالت بسيطة وقصيرة..يمكن لو تعرّفت عليكم اكتر .. بصحح من معلوماتي ..او بكتب الكم اكتر !

مرحبا
انا ما عندي معرفة بعلم النفس ، و لو ما فيه احراج راح اصف
صغيرة بين 18 و 22 سنة حلوة و منيرة زي الشمس ، جميلة زي الوردة الحمراء و رشيقة زي القطة ، رقيقة القلب و جد اجتماعية و محبوبة ، لكن جد حساسة لو زعلت اوعا من مخالب القطة و شوك الوردة ، واثقة من نفسها .
، متسرعة شوية. بتغضب بسرعة ، بس تنسى بسرعة و تسامح بسرعة
نقطة ضعف : جد بريئة

[Skeptic]

المشاركة الأصلية كتبت بواسطة شمس

Skeptic =

هالرجل بشوفه بحب النظام - رجل هادي - وبيتعامل مع الامور بشكل سلس .. بحب الانفتاح ويكون هو وعيلته وولاده بالمقدمة في اتباع الحضارة . يعني مثلا اكيد بينصح ولاده بالمدرسة ليكونوا بيحترموا النظام ومنضبطين ( رغم الحريّة اللي بحب ينشرها لعيلته لكن بيبقى في شي اسمه نظام بحياته = ما بحب الفوضوية ! ) وبحب يتعامل مع الامور بشكل علمي (( دقيق )) . فيه عنده صبر . وبحب التروّي ويلجأ للحكم قبل اصدار القرار. سمعت انه دكتور بالجامعة - بس ممكن قول عنه انه مدير بشركة !

شكرا للأوصاف الرقيقة، اعتقد بانك انسانة منفتحة، تححبين الحياة والجمال (صور من كندا) وانا ايضا احب الحياة... غرضنا هو فقط نشر حب الحياة بدلا من حب الموت والخراب.. الحياة هي افضل شيئ اختبرناة... استمتعوا بالجمال في الطبيعة، والبشر...

لدي طفلان ولد وبنت (8 , 6 اعوام) وهما كل حياتي بالطبع...انا حاليا بعيدا عنهم، في مؤتمر، وسوف اعود غدا..
تحياتي

[شمس]

المشاركة الأصلية كتبت بواسطة hbmen

مرحبا
انا ما عندي معرفة بعلم النفس ، و لو ما فيه احراج راح اصف
صغيرة بين 18 و 22 سنة حلوة و منيرة زي الشمس ، جميلة زي الوردة الحمراء و رشيقة زي القطة ، رقيقة القلب و جد اجتماعية و محبوبة ، لكن جد حساسة لو زعلت اوعا من مخالب القطة و شوك الوردة ،
نقطة ضعف : جد بريئة ، متسرعة شوية. بتغضب بسرعة ، بس تنسى بسرعة و تسامح بسرعة

ميرسي كتييرر لهالرد الحلو... يعني حطيت الموضوع من فترة ولا حدا رد غير انت .. thank you .


بس شفتك عم توصفني من لناحية الشكلية ( خججلني كلامك )!

مزبوط ..اللي بدو يقطف الورد ..لازم تجرحه بالاول! انا قوية - ضعيفة - حساسة - وبرضى او ... بستخدم اساليب الشوي شوي .. :) ... لعب اعصاب! :)



------------------------

[شمس]

المشاركة الأصلية كتبت بواسطة skeptic

شكرا للأوصاف الرقيقة، اعتقد بانك انسانة منفتحة، تححبين الحياة والجمال (صور من كندا) وانا ايضا احب الحياة... غرضنا هو فقط نشر حب الحياة بدلا من حب الموت والخراب.. الحياة هي افضل شيئ اختبرناة... استمتعوا بالجمال في الطبيعة، والبشر...

لدي طفلان ولد وبنت (8 , 6 اعوام) وهما كل حياتي بالطبع...انا حاليا بعيدا عنهم، في مؤتمر، وسوف اعود غدا..
تحياتي

الله يخلي الك اياهم لولادك الحلوين يا رب .. كتير حلوين الاطفال !

ان شاء الله بتشوفهم بالسلامة ..شكرا لردك !

مزبوط..لازم الواحد يحب الحياة ويشوف نقاط الجمال فيها .. فيها كنوز رائعة !



----------------------------

[Gear]

صحيح انا داءما اسأل لماذا لدرجة ان احد اصدقاءي قال عني اني فوضوي Anarchist مع ان هذا غير صحيح
عامة تخصصي هو الهندسة المعمارية و مرتبط بالفن منذ صغري طبعا احب و اجيد الرسم و النحت و التصميم، لي تجارب في كتابة الموسيقى لكن اراها ساذجة لعدم الخبرة و اراها تحتاج للتعلم منذ الصغر.
بالنسبة لك اراك فتاة طيبة بمشاعر جياشة فالفرحة لديك عيد و الحزن مأتم ﻻ يوجد وسط. ما يحدث معك يبقي انطباع عميق لديك، اعتقد الخبرة ستصقل شخصيتك مما سيجعل كتاباتك (الفنية) اكثر عمقا و واقعية
شمس

[وائل]

بالنسبة لرأيي بشخصيتك فأنا بصراحة لا أجيد التعبير عن ذلك. ولكن هو ايجابي الى حد كبير. وكذلك رأيي بمعظم الاعضاء. (نعم هناك البعض صراحة لا أطيقهم) ولكن بشكل عام معظم الاعضاء هنا رائعين. هذا ما يجعلني أفتح المنتدى اكثر من مرة يومياً.

أما ما قلته عن ردودي فهذا ينطبق على بعضها فقط وليس معظمها. ربما يكون الموضوع مهم بالنسبة لك والنقاش "حامي الوطيس" ولكن بنظري لا يستحق رد جدّي او أن الموضوع نوقش الف مرة. لذلك أرد بتهكم أو بتعليق غير مهم على أمور صغيرة.

[شمس]

المشاركة الأصلية كتبت بواسطة gear

صحيح انا داءما اسأل لماذا لدرجة ان احد اصدقاءي قال عني اني فوضوي anarchist مع ان هذا غير صحيح
عامة تخصصي هو الهندسة المعمارية و مرتبط بالفن منذ صغري طبعا احب و اجيد الرسم و النحت و التصميم، لي تجارب في كتابة الموسيقى لكن اراها ساذجة لعدم الخبرة و اراها تحتاج للتعلم منذ الصغر.
بالنسبة لك اراك فتاة طيبة بمشاعر جياشة فالفرحة لديك عيد و الحزن مأتم ﻻ يوجد وسط. ما يحدث معك يبقي انطباع عميق لديك، اعتقد الخبرة ستصقل شخصيتك مما سيجعل كتاباتك (الفنية) اكثر عمقا و واقعية
شمس

شكر الك .. هادا من لطفك !


-------------------

[شمس]

المشاركة الأصلية كتبت بواسطة وائل

بالنسبة لرأيي بشخصيتك فأنا بصراحة لا أجيد التعبير عن ذلك. ولكن هو ايجابي الى حد كبير. وكذلك رأيي بمعظم الاعضاء. (نعم هناك البعض صراحة لا أطيقهم) ولكن بشكل عام معظم الاعضاء هنا رائعين. هذا ما يجعلني أفتح المنتدى اكثر من مرة يومياً.

أما ما قلته عن ردودي فهذا ينطبق على بعضها فقط وليس معظمها. ربما يكون الموضوع مهم بالنسبة لك والنقاش "حامي الوطيس" ولكن بنظري لا يستحق رد جدّي او أن الموضوع نوقش الف مرة. لذلك أرد بتهكم أو بتعليق غير مهم على أمور صغيرة.

شكرا وائل ع ردك !



-------------------------

[اوسركاف]

شكرا جزيلا على هذا الكلام
لم احسن الحكم على احد و لو لمرة واحدة فى حياتى
قد يكون عدم اكتمال فكرى لدى-او لأننى اؤمن بأن الشخص لا يعيش بشخصية واحدة طوال حياته
سأكتفى بأنك انسانة مثابرة...لا تيأسى.