نور الشريف وتدمير العقل المصرى
 

منقول من الفيسبوك

نور الشريف و تدمير العقل المصرري
نور الشريف عمل كذا فيلم عبارة عن تدمير للعقل والوعي المصرري و تكريس للتخللف والعداء للعلم
مثلا دوره في (جري الوحوش) ....تاجر دهب شاطر واخلاقيا في العمل والاسرة ع أعلى مستوى ...ومخلص جدا لزوجته
عايز بس طفل.....و وجد حل علمي انه ينجب
الفيلم بقا كله بتدور ان الحل العلمي لعلاج العقم ده تحدي لارادة الله ....وان الانسان كدا بيكفررر ....وانك لما تحل مشاكلك بشكل علمي ربنا حينتقم منك
وان بعد ما العملية نجحت كلهم ربنا انتقم منهم و بدون سبب علمي.......رغم ان مثلا حاليا مش في علاج للعقم بس......ده في تكنولوجيا لاختيار جينات اطفالك .....تكتب مواصفاتك للطفل اللي انت عايزه.......لون عينه وشعره ومستوى ذكائه كمان......يعني مش تحدي الارادة الالهية......ده الارادة الالهية نفسها حضرتك
يعني ربنا انتقم من شخص اخلاقي جدا وناجح جدا ومحترم جدا عشان بس اخد بالسبب العلمي الجديد
(الرقص مع الشيطان)
قام بدور شخصية عالم و دكتور درس في الاتحاد السوفيتي......وبرضو نفس الشيء ربط بين العلم وتحدي الارادة الالهية .......وان الدكتتور ده اللي بيحلم باختراع يغير مجرى العلم .....وفكرة السفر عبر الزمن.......نهايته الجنون برضو وحياته تدمر.
(الاخوة الأعداء)
الشخص الوحيد في الفيلم اللي كان مثقف و بيقرا وصحفي ناجح ......ملحدد لا اخلاقي و مختل نفسيا و عايش في قلق و توتر و اضطراب مستمر وكراهية داخله موجهة تجاه الجميع ....
(لقاء هناك)
فيلم غير مشهور.....جسد فيه نور الشريف دور طالب في كلية هندسة.....نفس الفكرة لكن الفيلم هنا كان بشكل اعمق.......عباس طالب الهندسة كان متفوق دراسيا واخلاقيا برضو .....لدرجة ان صديقه المؤمن كان بيشرب خمور ومش متعلم.......كل ما يشوفه يديه محاضرة عن الدييين حتى وهو بيشرب
ولانه غير متدين ومش بيصلي .....والده كان بيعنفه و يطرده من البيت ويمنع عنه المصروف........ووالده في نفس الوقت صديقه مسيحيي
والشاب كان بيحب زميلته المسيحية وطبعا حصلت مشاكل كبيرة جدا بسبب طلبه للزواج منها
طول الفيلم تعنيف و سخرية من البطل المتفوق الوحيد اللي بيقرا فيهم ومطلع ومهتم بصحته وعايز يشتغل ويستقل بنفسه........عكس والده مثلا الموظف اللي كل وقته ع القهوة بيشد معسل ويلعب طاولة
لكن كل ده ما يشفعش للبطل ان اسرته تحبه والمجتمع يتقبله.......كأن البطل هو المذنب ......والمجتمع بقا بيمارس معاه العقاب والانتقام الالهي منه
كل الأفلام دي لنور الشريف رسخت لحاجات مهمة جدا
ربط العلم بالكفر بالله......ربط القراءة والثقافة بالمرض النفسي.
طب العلماء في الدول الغربية والصين بالذات اللي نظامها شيوعيي بيحارب الدين أساسا .....عايشيين فل اهو وبينتجوا كل حاجة احنا بنستخدمها.......لا في انتقام الهي منهم ولا حصلهم حاجة وحلم أي شاب هنا يروح هناك للدراسة او العمل
فافلام نور الشريف لا بتعبر عن واقع ولا بتعبر عن أي حاجة
==
اضافة من عندى للمقال
ايضا هناك فيلم دروشة قام فيه نور الشريف بدور شيخ ازهرى معمم يحارب الالحاد هو فيلم اين يخبئون الشمس

https://images4.imagebam.com/0e/ba/94/MEWH85J_o.jpg