|  الآداب و الفنون  |  ساحة الشعر و الأدب المكتوب  |  ساحة الشعر والأدب المنقول  |  موضوع: اخر لحظة (شعر شعبي عراقي ) « قبل بعد »
صفحات: 1 [2] 3 4 5 6 7 ... 21 للأسفل طباعة
التقييم الحالي: ****
الكاتب موضوع: اخر لحظة (شعر شعبي عراقي )  (شوهد 72458 مرات)
رويدة
عضو ماسي
*****
غير متصل غير متصل

الجنس: أنثى
رسائل: 1,351


الملحدين الراديكاليين


الجوائز
« رد #15 في: 06/10/2009, 19:16:53 »

يبقى العراق عراق

يبقى العراق
يبقى ألاقوى
تاريخ وناس وگاع
لو عثر يمه أسم الله
ينهض يگوم أبساع

هوا ألاصل هوا الفصل
عروگ الجسد ما تنفصل
تضيع دنيا يضيع زمن
يبقى العراق عراق
عمره العراق ماضاع
..
حكمت البيداري
9-9-2006
سجل

ان الموت من اجل الحرية افضل من الذل. ان العدل واحد و الحق واحد. ان التمرد و العصيان و الثورة سبيل نحو الانعتاق. ان "لا" تجدي قبل "نعم".

الملحدين الراديكالين
BLUE EYES
عضو ماسي
*****
غير متصل غير متصل

الجنس: أنثى
رسائل: 4,878


قلب بلا كلمات خيرمن كلمات بلا قلب


الجوائز
« رد #16 في: 06/10/2009, 19:47:57 »

   


أرسلان   & ضوء   & ssan   &   mizou02   & ابو زينب   kisses kisses kisses kisses kisses

شنو هل الاشعار الحلوة خفوا عليا اني مو كدكم بهل كلام الرائع اني يادوب اصفط كلمتين بالعراقي بسطر واقول عليهم شعر 

أني ما اعرف اعوم الا في بحرج

ولا اعرف الدفا الا بهمسج

ولا اعرف شنو الحب الا بقربج

وفوكاها ما اعرف شلون اتموت الخطوة الا بدربج

وأذا متت فدوة كليهم يدفنوني بقلبج

مثل ( ينتظر الرجال المراة ساعة يحسبها دقيقة . وهيا تنتظرا دقيقة اتكول الا هاي وين جنت ساعة تتاخر )
 
سجل

أحبــــــك .....فأنت الحي الذي لا يموت في داخلي .
أحبــــــك .....أحبك... لأن قلبي لم يعد يتسع لسواك.
الورّاق
عضو ماسي
*****
غير متصل غير متصل

الجنس: ذكر
رسائل: 1,399


إيران والسعودية(المسلمتين)بوابتا الشَّرْعلى العراق


الجوائز
« رد #17 في: 06/10/2009, 20:13:37 »

عزيزي ساسان الغالي بعد ان قرأت قصتك في الحرب العراقية الايرانية . ولاني لا استطيع الرد كون الموضوع مقفل . مع الاسف .
جال في خاطري قصيدة لشخص في ذاك الوقت قضى وفنى شبابة في الحرب . وعندما عاد وجدت بنت الجيران قد كبرت وبدات تصرح له عن حبها رغم كبر سنّه فكتب لها هذه القصيدة  . وهي اهدهء متواضع لشخصك الكريم .

يا حب يا عشگ تحچيلي عن ياشوگ        سولفلي سوالف كون من طوري
 
أنَهَ عَديت طور العاشگ الوَلهان ومن        دور المحبة خَلصت دوري

گبل چانت تفيض ابروحي النهران           هَسَه تراب صارت وگف ناعوري

لا مو ذاك الأول مو َزمَنهَ الچان               اضحك من اشوف الندى اعِله الجوري

خذت مني السنين اشواط يابو اشواط         وأنَهَ ذَليت اعِله كيفي وهفت تنوري
 
ولك لا تنفخ ابروحي ايطير منه ارماد        وانه گاعي حمادة وطارت اطيوري
 
انه الـمثلي بَـعـد ما ينوخذله شوْر              لان حتى روحي شرته وماخذت شوري



رائعه القصيده يا أبو زينب  وهي تصلح هديه لي فعلاً فقد أستهلكنا حُكّامنا المجرمون حتى بقينا هشيماً لا ينفع إلاّ لنار جهنّم ..
لا الحب ولا حتى الحياة  من نصيبنا ..
سجل

يا غُرَباء الناسِ , بلادي كصناديق الشاي مُهَرَّبَةٌ
إلامَ سَتبقى يا وطني ! ناقلةً للنفطِ مُدَهَّنةً بسخامِ الاحزانِ وأعلام الدول الكُبرى؟
يا بلداً يتناهشها الفُرسُ ويَجلسُ فوقَ تنفّسِها الوالي العُثماني
أُبكيكِ بلادَ الذَّبْحِ كحانوتٍ تُعْرَضُ فيه ثيابَ الموتى
الورّاق
عضو ماسي
*****
غير متصل غير متصل

الجنس: ذكر
رسائل: 1,399


إيران والسعودية(المسلمتين)بوابتا الشَّرْعلى العراق


الجوائز
« رد #18 في: 06/10/2009, 22:26:33 »


شُكراً لكل من مرّ بهذا الشريط و شكر خاص للزميله mizou02  التي قرأت اللهجه العراقيه فاحبتها واختارت لنا من شعرنا الشعبي رغم انها بلاد المغرب العربي

أنا من عائله تمتهن الشعر (إلاّ انا ) فحظّي منهُ لا يُعَد يُذكَر   لكنني سأُشارِكُكُم بقصيده شعبيه لأخي .. فنحن من سُـكّان مدينة بابل وكان اخي طالباً جامعياً في مدينة البصره . ويبدو من قصيدته انه أحب زميلةً لهُ في الدراسه . فاستعار أبطال ملحمة جلجامش البابليه ليجعلهم ابطال قصيدتهُ التي يروي لنا قصّة حبه التي صار عمرها ثلاث سنين .. جميعنا نعرف قصّة حب جلجامش لعشتار آلهـة البابليين .. وكيف عانى جلجامش ليحصل على سر الخلود ليحظى بعشتار الآلـهه الخالده وكيف رجع خائباً بعد أسفاره المُهلكه

عنوان القصيده التي تُمثّل اسم محبوبته    هو  
                                                       عشتار

مَلاَح بشطوط الهوه   أَبحرِت من ثالث سَـنه
  
شراعي شوگي   ومَر كبي  مرديّه أمل  مو من جِنّه    ( المردي عمود يرفع الشراع وعادةً يُصنع من نوع خشب يُسمّى جِـنَـه )

أتعبني مجذاف العشك والموج عالي محاضِـنَه
 
ويمر شهر يطرد شهر    وتمر سنه تطرد سنه

سوّاح بشطوط الهوه   دوهَـنّـي  هّـد حيلي الضِـنه

عِـشـتـار يا ديره أنزلَتْ ؟؟ و بيا أرض من يا سِـمـه ؟؟؟    ( عشتار كنايه عن اسم الحبيبه )

وظَل مركبي يحديه أمَل ... كل يوم ولشاطي يصَل

وأسأل الشانَگ من يُمُر ... يا بِنّي  يا شانگ بحًر         ( الشانگ والبنّي من أسماء الأسماك المحليه في مدينة البصره )

بأميّـتَك بالله أنتظر ....................

عشتار يا ديره أنزلًت ؟    وبيا ارض   من يا سمه ؟؟؟

و أبقه أنتظر ... ومامش خَبَر

لا كلمه من بنّي تجي      ولا همسه من شانَگ بَحَر
 
وآخرهه موجات الهوه    دفعتني لشط العرب

تعبـااااااااااااااااااان  و أضناني السَفَر     بس شوگي أبداً ما تعَب
 
عطشان يا شط العرب     والماي غرًّك چِـفَّـتَك                  ( ألماء أغرق حافاته )

گاطع بحر مايَـه ملح    مـعتني لعذب أمَـيّـتَك

وتدري عطش بارح صعب   للما يعانگ موجِـتَك                    بارِح = الصيف الحار       يعانگ = يُعانِق
  
عطشان وبشط الهوه تدري تعب مجذافي

ما غَـمَّـض لعيني جفن   وبحلم أنته وغافي

حِـنّـه دمع عيني تـصًـبْ      شو دمع موجَك صافي !!!!!!!؟      (يُقارن دموعه المخلوطه بالدم الأحمر بحبّت ماء شط العرب الصافية اللون والنقاء)

يا شط تره گلبي فَـحَـط    كافي عطش لَك كافي             ( يناشِد شط العرب لأن قلبه أعياه العطش )

بموجة فُراتَك أسألك   جاوبني بحگ دجلتَك

عشتار بعطور المسچ ما عَـطّـرتلك نَـســمـتَـكْ ؟

بِـغناك ما صارًت لحن ؟؟    وما مَـس جِـدَمـها لطبگـتَك     ( الطبگـه = طوافّة عريضه نسبياً يعبر بها الناس واغراضهم شط العرب )

و بالماي چَـن أسمع هَـمِـس   وملامظ ألمَـح بالسمَـه

والگُـمَـر مَـد أيـده بلـطُـف   للغيم شَـعْره يـلَـمْـلِـمَـه

وچَـن رَشّــه بأمَّـيَـة ورِد     والبرحي شَــگ مـيـاسِـمِـه        ( البرحي = أحد انواع تمور العراق)
 
ولن الشطوط  مـسَـلْـهِـمَـه .. وحدر العشب فَـگَّع چِـمـه (مسلهم =هاديء بشكل تام-فگّع = أنشقاق التربه في بداية ظهور النبته الجديده - چِـمَـه = الكمأ شبيه بالفطر أوالعرهون  
شو گَـلـبي زاد بـدَگـتَه    و چَـن جرحي زاد ملاچـمَـه      ( يلچم الجرح = ينكأهُ )

و چَـن مركبي ذَب أنگرَه   ............... ( الأنگَـر = ثقل له شكل خاص تستعمله السُـفُـن للثبات وسط البحر )

يا روحي شصار !!!! أشـجَـرَه ...!!!!!!!!!؟؟

عِـشــتــار گالوا هودَرَت أبمعبد أسمه الجامعه              ( هودرت = نزلت )

و دفـعـتـنـي موجـة لهـفِـتِـي و نـيـاط گَـلـبـي مـگَـطَّعـه

أحّـاااااااااا   جرح عندي يـفِـز كلما سـمـع بالـجـامـعـه         ( أحّـاااا  = يقولها الفرد في حال التوجّـع  وهي الآه في العربيه )

عشـتـار بـنـت الجـامـعـه

عِـشـتـار يا مـعـبّـد دّفـو وخـرست صلاتـي من الثلج

عـشــتـار شـنهي الصومـعَـه

إگـلَـيـبي زَقّـورة بُـرج   رَصَّــعـتـه بـمـيّــة جرح

وشـمـوعـه لـجـلـچ تعـتـلگ                           ( لأجلُكِ توقد )

بـگـليـبـي مـشكـبـن حزن   و بشـفِّـتـي بـسـمـة طـفل                ( مشكبن = يحمل على ظهره كيساً كبيراً من الأثقال )

مِـن سِـحـر بابل  مِـن أَكَـد   جايب لَـعِـد رِمـشِـچ كـحِـل             ( كنايه عن كونه من مدينة بابل و هو هنا يحب عشتار آلهة الجمال لدى البابليين)

عِـشــتـار أتـعـبـنـي الـسَــفَـر عِـشـگ التَرافَـه مو سَـهِـل            ( الترِف = الغَـضْ  وهنا يكون المحب غضاً صغيراً لا تحارب عنده في الحب )

چَـذّاب يا عِـشـگ الـتَرِف  چَـذّاب يالكوخَك قَـصـر

چَـذّاب يا نجـمَـة صُـبـح  تِـتْـلاشـه وَيْ طَرْت الفَـجـر

چَـذّاب يـا حِـنّـة عرس تنعـجِن بـدموع الفَـرَح

 و تـذوب بـدموع الحـزن

چَـذّاب يا زيـبَـگ شَـعَـر ما يـنـلـمـس    ( زيبگ= الزئبق و تخلطه النساء مع الحنّاء ضَـنّاَ منهُـنَّ أنهُ يُزيد من نعومة الشعر )

عِـشــتـار هَـد حـيـلـي الـسَــفَـر

عِـشــتـار گـلگـامِـش تَـعَب  مـامِـش خلود بكل بـحـر

شَـكـبَـن صَـلاتَـه لـمعـبـدچ يـطـلُـب خـلـوده بـهـالـدَهَـر

                                                               الثالث كيمياء
                                                            كليّة علوم البصره
 
« آخر تحرير: 06/10/2009, 22:30:01 بواسطة ssan » سجل

يا غُرَباء الناسِ , بلادي كصناديق الشاي مُهَرَّبَةٌ
إلامَ سَتبقى يا وطني ! ناقلةً للنفطِ مُدَهَّنةً بسخامِ الاحزانِ وأعلام الدول الكُبرى؟
يا بلداً يتناهشها الفُرسُ ويَجلسُ فوقَ تنفّسِها الوالي العُثماني
أُبكيكِ بلادَ الذَّبْحِ كحانوتٍ تُعْرَضُ فيه ثيابَ الموتى
ابو زينب
المعرف السابق: العبد الفقير
عضو ماسي
*****
غير متصل غير متصل

الجنس: ذكر
رسائل: 2,077


الله ربي محمد نبيي وعلي امامي


الجوائز
« رد #19 في: 07/10/2009, 07:34:11 »

عزيزي ساسان تحية لك مني معطرة باريج الاحترام والتقدير .
اخوك هذا مثلك انسان لايتكرر .
وذكرتني هذه القصيدة بقصيد اخرى كتبها بحار لحبيبته وهو في عرض البحر .
بحار . بحار
لاصاري يوميلي ولا منديل ولا ليل البحر يرحم السفانه            ( يوميلي = من الايماء اي الاشارة لي )
 وطبع البحر لو جزر يموت الشاطي باحزانه                        ( جزر= المد والجزر )
كل ما َاشّرع سفينتي احس بالروح غرگانة                             ( اشرع اي يرفع الشراع )
فجت فجت ياما ابحر حبچ لگيت الروح فحطانة                      ( فجت = فاج يفوج = سبح يسبح )  ( فحطانه = التعب المصحوب باللهاث )
شني البحار دنياته غير الغربة والترحال عنوانة                      ( شني = شنو  اي   ماذا ؟ )
انه احزنلچ حزن بحار كل اسنينة خسرانة
تحياتي الغالي ساسان اتمنى ان تعجبك ولو هي لا تصل واحد بالمئة من ابداعات اخيك المرحوم .  kisses kisses
سجل

نحن متحضرون ومتمدنون .... ما دامت هناك آلات واجهزة تعمل .
لكن ماذا لو عشنا في جزيرة نائية ؟
ابو زينب
المعرف السابق: العبد الفقير
عضو ماسي
*****
غير متصل غير متصل

الجنس: ذكر
رسائل: 2,077


الله ربي محمد نبيي وعلي امامي


الجوائز
« رد #20 في: 07/10/2009, 08:59:19 »

اقتباس
رائعه القصيده يا أبو زينب  وهي تصلح هديه لي فعلاً فقد أستهلكنا حُكّامنا المجرمون حتى بقينا هشيماً لا ينفع إلاّ لنار جهنّم ..
لا الحب ولا حتى الحياة  من نصيبنا .. 
حبيبي ساسان اشكرك وهذا من ذوقك بس . kisses kisses وهذه قصيدة تررد كثيرا" في اهدائها لك كونها قد تنكأ جروحا" اعرفها في قلبك من غير ان تبوح بها .لكني لم استطع الا ان اقولها لك
مع فائق الاعتذار مقدما" مما تسببه لك من حزن .
ابو زنوبة

ماني نادم عل اليجيني وعلي بيه اشما يصح
الـــــــــــزمن دايني فرحة ودينه ينفك بجرح
اه يليل اشـــــگد غرورك اه يليل اشگد وكح ؟
تشمت ؟؟ تشمت وتاليك مثلي باجر يضكك صبح
ماني نادم عالخفيته ولانـــــــــي نادم عليشاع
ولانـــــي نادم علگيته ولانـــــي نادم عليضاع
ادري عمري صار ثلجة وياثلج ما ساعة ماع ؟
بس تطلع عليه شمس الصـــــــــــــــــــــــــبح
ماني نادم على عيوني وعالزراگ البچفوف
ولاني نادم على سنيني وعالبياض البزلوف
مايضل نهر ويه مايه ولاتضل يمه الجروف
وچم نهر جتاله جرفه وصافي اتعابه ملـــــح
ماني نادم عليجيني ولاني نادم عالمضة
الزمن قسملي عمري ونص اليفرح گضة
الدنيه مغيمه ليالي وليلة وحــــدة مفضضة
وخلصت الفضة بحياتي وهسة رااااااضي اشمايصح
سجل

نحن متحضرون ومتمدنون .... ما دامت هناك آلات واجهزة تعمل .
لكن ماذا لو عشنا في جزيرة نائية ؟
رويدة
عضو ماسي
*****
غير متصل غير متصل

الجنس: أنثى
رسائل: 1,351


الملحدين الراديكاليين


الجوائز
« رد #21 في: 07/10/2009, 18:48:25 »

قصائدكم رائعة فعلا.
احاول فهمها بجهد لكني اعتقد انني نجحت خاصة مع مساعذة العم
العظيم ساسان بشرح بعض الكلمات.
دمتم بخير.
سجل

ان الموت من اجل الحرية افضل من الذل. ان العدل واحد و الحق واحد. ان التمرد و العصيان و الثورة سبيل نحو الانعتاق. ان "لا" تجدي قبل "نعم".

الملحدين الراديكالين
الورّاق
عضو ماسي
*****
غير متصل غير متصل

الجنس: ذكر
رسائل: 1,399


إيران والسعودية(المسلمتين)بوابتا الشَّرْعلى العراق


الجوائز
« رد #22 في: 07/10/2009, 23:33:48 »



بَـرْد الـصـبـح گـرصـات لـفـنـي بـعـبـاتَـك                 و بـســاعـة الـشــيـطان إنـتّـه ويَـه ذاتَــك

أي أن برد الصباح قارس فغطني بعبائتُكَ  وإذا وسـوَسَ لكَ الـشـيـطان بالفاحـشـه .. سيبقى الأمر مرهوناً بأمانتُكَ

تلك الصوره نُـشِرَت في مجلّة الف باء العراقيه عام 1975 ولا زلـتُ مُـحـتفظاً بـهـا
« آخر تحرير: 07/10/2009, 23:39:26 بواسطة ssan » سجل

يا غُرَباء الناسِ , بلادي كصناديق الشاي مُهَرَّبَةٌ
إلامَ سَتبقى يا وطني ! ناقلةً للنفطِ مُدَهَّنةً بسخامِ الاحزانِ وأعلام الدول الكُبرى؟
يا بلداً يتناهشها الفُرسُ ويَجلسُ فوقَ تنفّسِها الوالي العُثماني
أُبكيكِ بلادَ الذَّبْحِ كحانوتٍ تُعْرَضُ فيه ثيابَ الموتى
BLUE EYES
عضو ماسي
*****
غير متصل غير متصل

الجنس: أنثى
رسائل: 4,878


قلب بلا كلمات خيرمن كلمات بلا قلب


الجوائز
« رد #23 في: 08/10/2009, 03:52:01 »

ssan رائع وقصيدة اخوك رائعة الواحد يغار منها ومن حبه الها  Rose

بس هوا لساتا ما كال الها وسالها    اجا يسأل تحبيني 

             
احبك يابعد عيني
احبك ياصبر عمري
شوف عيوني شتقلك
انت الكحل لعيوني
وانت الضحكة لاشفاهي
وقلبي يابعد قلبي
من يسمع ضحكتك
يرجف بقوة واخاف الرجفة تقتلني
وصبحي من تلاقيني
ينور بنورك ونوري
وليلي من يجي ليلي
واشواقي تبجيني
يجي صوتك بعد عيني
يعاتبني ويناجيني
ليش دموعج الحلوة تنزليها
شوقي ماتحمتله
وحنيني ولهفة ايامي
احس بغربة من دونك
احس بوحشة ايامي
لانك ضوى لعيوني
ولانك فرحة ايامي
اخاف الوصف يغدرني
ومااقدر اوصف حبي لك

    منقول

   Rose         
سجل

أحبــــــك .....فأنت الحي الذي لا يموت في داخلي .
أحبــــــك .....أحبك... لأن قلبي لم يعد يتسع لسواك.
ابو زينب
المعرف السابق: العبد الفقير
عضو ماسي
*****
غير متصل غير متصل

الجنس: ذكر
رسائل: 2,077


الله ربي محمد نبيي وعلي امامي


الجوائز
« رد #24 في: 08/10/2009, 11:39:36 »

اقتباس
ـرْد الـصـبـح گـرصـات لـفـنـي بـعـبـاتَـك ..... و بـســاعـة الـشــيـطان إنـتّـه ويَـه ذاتَــك
نجمة صبح يهواي واوكع على غطاك ........... وبحجة البردان اتلفلف وياك  kisses kisses

اقتباس
  اجا يسأل تحبيني   
مبعد والحنين ايفيض ويافيض الحنين اشما كبر يكتل
احن احن الك واشتاك وطبع المستحة ايخجل
شماريد اكتب شعر بهواك تصعد والشعر ينزل .
 kisses kisses kisses kisses
سجل

نحن متحضرون ومتمدنون .... ما دامت هناك آلات واجهزة تعمل .
لكن ماذا لو عشنا في جزيرة نائية ؟
BLUE EYES
عضو ماسي
*****
غير متصل غير متصل

الجنس: أنثى
رسائل: 4,878


قلب بلا كلمات خيرمن كلمات بلا قلب


الجوائز
« رد #25 في: 08/10/2009, 13:48:57 »

ابو زينب
اقتباس
مبعد والحنين ايفيض ويافيض الحنين اشما كبر يكتل
احن احن الك واشتاك وطبع المستحة ايخجل
شماريد اكتب شعر بهواك تصعد والشعر ينزل .
 

        تمنيت لوعندي جنح ياخذني ويه الريح ويوصلنييم دروبكم

وتمنيت لوعندي قلب يتحمل ليومين من ما يشوفكم
ولعيونكم ذبلتشفافي من العطش منتظره زخت مطر من تبوسكم
اشكد وحشه ايام المضت من دونكم غربه ومتاهات والم وكلوب صلفه وابد ماتوصل لربع كلوبكم ..
ياهلي تعبني الحنين وتغفه ايامي على طاري اجفونكم
بالغربه وي روحي وادور بلكي بالصدفه العيون تشوفكم ..
اي وينكم عفتوني وحدي واني ادور وينكم ..
بالغربه شفت وجوه من تضحك جذبواتذكرت كل بسمه جانت غافيه على وجوهكم ..
ولعيونكم ابعث تحياتي بجنح كل طير حطيم بوبكم ..
ولعيونكم تروح فدوه الدنيا كلها لرمشه من عيونكم
 


تحياتي ألك يابو زينب  kisses Rose
سجل

أحبــــــك .....فأنت الحي الذي لا يموت في داخلي .
أحبــــــك .....أحبك... لأن قلبي لم يعد يتسع لسواك.
رافد
عضو ماسي
*****
غير متصل غير متصل

رسائل: 1,030



الجوائز
« رد #26 في: 08/10/2009, 17:18:52 »

الى من ذهبت مع الريح فاختلطت ذكراها  في عقلي باوهامها في قلبي



سواد العين عكبك            سال مني

وعاند وي عذولي           سال مني

جفوف هواي بعدك         سال مني

ولسه حرارة جفك بين ايديه

ابو زينب هل تستمع الى الفنان حسن بريسم ؟؟؟
سجل

لست أدري في أي منعطف على الطريق, أضعت [ الشخص ] الذي كنته فيما مضى..
مازلت أحبك رغم بعادك
بل أني احبك بسببه
BLUE EYES
عضو ماسي
*****
غير متصل غير متصل

الجنس: أنثى
رسائل: 4,878


قلب بلا كلمات خيرمن كلمات بلا قلب


الجوائز
« رد #27 في: 09/10/2009, 03:55:57 »

رافد  Rose Rose Rose

مشكورزميلي العزيز لمشاركتك الحلوة وارد عليك واكول

عشكتك وادري اتعب ابحبك





رضيت بقسمتي وملهوفه تدريني




اريد اكضي العمر وياك



تدري انت بغيابك حيل تاذيني




عيني الما تشوفك تنعمي وللدوم



لان انت حبيبي فرحة اسنيني




تعال وخل اضمك حيل يهواي



وار يد ابكل حنانك انت تحويني




تعال وخل نطفي الفركه والنار



وعلى صدرك انام الليل خليني


منقول

تحياتي لك عزيزي Rose
سجل

أحبــــــك .....فأنت الحي الذي لا يموت في داخلي .
أحبــــــك .....أحبك... لأن قلبي لم يعد يتسع لسواك.
بيانو
عضو جميل
**
غير متصل غير متصل

الجنس: ذكر
رسائل: 64


الجوائز
« رد #28 في: 15/10/2009, 18:49:31 »

غيابك خلخل عضامي وهدهن
واجر حسرات ببعادك وهدهن
ألي دمعات لو أبجي واهدهن
تفيض اليابسه ونغرك سويه
سجل
رافد
عضو ماسي
*****
غير متصل غير متصل

رسائل: 1,030



الجوائز
« رد #29 في: 15/10/2009, 18:54:40 »


 

  شايف قلب يعقوب من ضيع أبنه
 هيج اني كلبي عليك من غبت عنه
سجل

لست أدري في أي منعطف على الطريق, أضعت [ الشخص ] الذي كنته فيما مضى..
مازلت أحبك رغم بعادك
بل أني احبك بسببه
ارتباطات:
صفحات: 1 [2] 3 4 5 6 7 ... 21 للأعلى طباعة 
 |  الآداب و الفنون  |  ساحة الشعر و الأدب المكتوب  |  ساحة الشعر والأدب المنقول  |  موضوع: اخر لحظة (شعر شعبي عراقي ) « قبل بعد »
وصلة للتقويم وصلة للتقويم
انتقل إلى:  

مواضيع مرتبطة الموضوع بدء بواسطة ردود مشاهدة آخر رسالة
شعر شعبي عراقي
ساحة الشعر و الأدب المكتوب
عنيد 2 2409 آخر رسالة 11/08/2007, 13:24:56
بواسطة عنيد
انت شيعي انت سني ( شعر شعبي عراقي )
ساحة الشعر و الأدب المكتوب
عنيد 5 2443 آخر رسالة 22/09/2007, 11:08:09
بواسطة السياب
قصائد عراقيه شعبيه .. شعر عراقي شعبي « 1 2 3 »
ساحة الشعر و الأدب المكتوب
motyamen 36 13345 آخر رسالة 27/09/2008, 09:20:07
بواسطة motyamen

free counters Arab Atheists Network
المواضيع المنشورة تعبر عن رأي كاتبها فقط والادارة غير مسؤولة عن محتواها